Thursday, March 5, 2020

កំណើតចៅប្រុស គឹម បញ្ញាបុត្រ

ចៅប្រុសទី២ឈ្មោះ គឹម បញ្ញាបុត្រ​កើតនៅថ្ងៃព្រហស្បត្តិ៍ ទី​៥​ ខែមីនា ឆ្នាំ២០២០ វេលាម៉ោង១:៣០យប់​ ត្រូវនឹងថ្ងៃ១២កើត ខែផល្គុន ឆ្នាំកុរ ព.ស ២៥៦៣ នៅមន្ទីរពេទ្យសម្ភព ច្បារអំពៅ រាជធានីភ្នំពេញ។

រូបភាពថតនៅក្នុងបន្ទប់មន្ទីរពេទ្យក្បាលថ្នល រាជធានីភ្នំពេញ នៅថ្ងៃទី៥ ខែមីនា ឆ្នាំ២០២០ វេលាម៉ោង១១:៣៧នាទី។
គឹម បញ្ញាបុត្រ កំពុងគេនៅក្បែរលោកយាយខាងម្តាយ កំពុងមើលថែ។ នៅពេលដែលលោកយាយខាងឱពុកនៅខេត្តព្រះសីហនុ មិនទាន់បានមកដល់។

រូបថត គឹម បញ្ញាបុត្រកំពុងតែគេងលើគ្រែផ្សេងគញនា នៅខាងឆ្វេងដៃម្តាយរបស់គេ។





Sunday, December 22, 2019

លោក ហៀង តុងម៉េង ជន្មាយុ ៧២ឆ្នាំ បានទទួលមរណៈភាពដោយរោគាពាធ

នេះគឺជាលើកដំបូងហើយសម្រាប់គ្រួសាររបស់ប្អូនប្រុសថ្ងៃ និងប្អូនស្រីបង្កើតរបស់ខ្ញុំដែលជួបប្រទៈនូវការបាត់បង់ អ្នកមានគុណឈ្មោះ ហៀង តុងម៉េង មានជន្មាយុ ៧២ឆ្នាំ ត្រូវជាកូនបង្កើតរបស់លោក ម៉េង ថានី និងជាឪពុកក្មេករបស់លោកស្រី គឹម សុភាព ដែលត្រូវជាប្អូនស្រីបង្កើតរបស់ខ្ញុំបាទ បានទទួលមរណៈភាពនៅថ្ងៃ១០រោច ខែមិគសិរ ឆ្នាំកុរ ព.ស ២៥៦៣ ត្រូវនឹងពីថ្ងៃទី ២១ ខែ ធ្នូ ឆ្នាំ២០១៩ វេលាម៉ោង ២១:២៥នាទីយប់។

កាលពីថ្ងៃទី ១៩ ខែធ្នូ ឆ្នាំ២០១៩ នៅព្រឹកវេលាម៉ោង១០:៥២នាទី ខ្ញុំបានឃើញសាររបស់ប្អូនស្រីបង្កើតខ្ញុំបានបង្កោះនៅលើគណនេយ្យហ្វេសប៊ុករបស់គាត់ដោយបានបញ្ជាក់ថា “មិនថាទៅរកឈមឯណាបាន៤ផ្លោកទេ ត្រូវការបន្ទាន់ភ្លាមៗចឹងនោះ រួមទាំងរូបបង្ហូរទឹកភ្នែកផង”។ សារមូួយនេះធ្វើខ្ញុំបាទមានក្តីរន្ធត់ព្រោះមិនដឹងថាគ្រួសាររបស់ប្អូនស្រីខ្ញុំ មានរឿងអ្វីកើតឡើងនោះទេ អ្វីដែលព្រួយបារម្ភឥតឧបមានោះគឺអ្នកមានគុណទាំងទ្វេរបស់ខ្ញុំ។

កង្វល់ដែលដក់ជាក់ក្នុងអារម្មណ៍របស់ខ្ញុំដែលកំពុងបំពេញភារកិច្ច ខ្ញុំក៏លើកទូរស័ព្ទឡើងដើម្បីទូរស័ព្ទទៅសួរប្អូនស្រី ខ្ញុំ គឺម សុភាព តើមានរឿងអីកើតឡើងបានជាបង្ហោះហ្វេសប៊ុករកឈាម៤ផ្លោកជាបន្ទាន់យ៉ាងដូច្នេះ។ ប្អូនស្រីក៏បាន ឆ្លើយតបមកខ្ញុំវិញថា តម្រូវការឈាម៤ផ្លោកនោះគឺដើម្បីជួយសង្រ្គោះជីវិតឪពុកក្មេករបស់គាត់កំពុងតែស្នាក់នៅមន្ទីរពេទ្យរុស្ស៊ី ក្នុងបន្ទប់សង្រ្គោះបន្ទាន់ជាន់ទី២។ ខ្ញុំហាក់បីដូចជាគិតមិនទាន់ឃើញថាត្រូវជួយតាមវិធីណា ក្នុងខណៈពេលនោះដែរកូនសម្លាញ់របស់ខ្ញុំទាំងពីរបន្ទាប់ពីទទួលដំណឹងភ្លាមៗតាមហ្វេសប៊ុកដូចខ្ញុំក៏បានទូរស័ព្ទមកសួរខ្ញុំចង់ដឹង អំពីដំណឹងដែលមិនដែលជួបប្រទៈដូចខ្ញុំដែរ ព្រោះពួកគេបារម្ភអំពីសុខទុក្ខរបស់លោកតា និងលោកយាយជាទីសក្ការៈ របស់ពួកគេ។ ខ្ញុំក៏បានតបទៅវិញថា គឺកុងរបស់ពូនី និងមីងភាពកំពុងតែសង្រ្គោះបន្ទាន់នៅឯមន្ទីរពេទ្យរុស្ស៊ី។ កូនទាំងពីររបស់ខ្ញុំគឺ​​​ កូនប្រុស គឹម សុនិរុ និងកូនស្រី គឹម សុវណ្ណនី ចង់ជិះរថយន្តមកភ្នំពេញដើម្បីធ្វើការបរិច្ឆាកឈាមរបស់ពួកគេដើម្បីជួយដល់កុង។ រីឯកូនពីរនាក់ទៀតមិនទាន់បានដឹងព័ត៌មាននេះនៅឡើយទេ ព្រោះពួកគេមិនបានឆែកហ្វេសប៊ុក។

ខ្ញុំក៏បានពិភាក្សាជាមួយប្អូនស្រីបង្កើតថាតើគួរឲ្យពួកគាត់ជិះរថយន្តមកពីខេត្តព្រះសីហនុ មករាជធានីភ្នំពេញដើម្បីផ្តល់ឈាមដែរឬទេ។ ប្អូនស្រីក៏បញ្ជាក់ថាពួកគាត់មកមិនទាន់ទេ ព្រោះគេត្រូវការឈាមជាបន្ទាន់ ម្យ៉ាងវិញទៀតក៏មានមិត្ត ព្រះធម៌របស់ប្អូនស្រីខ្ញុំបានស្ម័គ្រចិត្តបរិច្ចាកឈាម ដោយពួកគាត់អញ្ជើញមកមន្ទីរពេទ្យរុស្ស៊ីតែម្តង។

មិនបង្អង់យូរខ្ញុំក៏ទូរស័ព្ទទៅទាក់ទងអ្នករួមការងាររបស់ខ្ញុំ​ ឯកឧត្តម រ៉េត ច័ន្ទធន ជាសាកលវិទ្យាធិការរង នៃប៊ែលធី អន្តរជាតិ គាត់ក៏ឆ្លើយតបភ្លាមៗវិញថា គាត់បានជួយអ្នករួមការងារចំនួន ៤ប័ណ្ណ (៤ផ្លោក) កាលពីប៉ុន្មានថ្ងៃេនះ ក៏ប៉ុន្តែ លោកបានផ្តល់យោបល់ឲ្យខ្ញុំទូរស័ព្ទទៅលោក រស់ ប៉ារ៉ាឌី ជាសាកលវិទ្យាធិការរង នៃសាកលវិទ្យាល័យប៊ែលធី អន្តរជាតិ ក្រែងលោកមានសល់ប័ណ្ណបរិច្ចាកឈាម។ លោក រស់ ប៉ារ៉ាឌី ក៏មានសណ្តានចិត្តល្អ លោកបានឲ្យខ្ញុំទៅយកប័ណ្ណនៅក្នុងថតតុរបស់លោក ព្រោះលោកបានអញ្ជើញមកកន្លែងការងារដូចខ្ញុំដែរ គឺនៅ The Premier Sensok Center។ ខ្ញុំក៏បានទៅសាកល


វិទ្យាល័យប៊ែលធីអន្តរជាតិដើម្បីយកប័ណ្ណផ្តល់ឈាមនៅក្នុងថតតុរបស់លោក ដោយរកឃើញប័ណ្ណចំនួន ៣សន្លឹក ដែលមានឈ្មោះ កែវ ទ្រីយ៉ា ចំនូួន ២សន្លឹក និងឈ្មោះ សុខ វិសេស សបណ្ឌិត ចំនួន ១សន្លឹក។ ដោយបន្ទាន់ពេក ខ្ញុំក៏ប្រញាប់ប្រញាល់យកប័ណ្ណនេះដើម្បីប្តូរយកឈាម ៣ផ្លោក ផ្តល់ជូនប្អូនស្រីខ្ញុំ ដើម្បីជួយដល់អ្នកមានគុណរបស់គាត់។ ប័ណ្ណទាំង៣សន្លឹកនោះគឺប្រើប្រាស់បានត្រឹមតែ ១សន្លឹកប៉ុណ្ណោះទេ រីឯ២ សន្លឹកទៀតគឺហួសកំណត់ពេល (គ្រូពេទ្យបានបញ្ជាក់) តែប័ណ្ណទាំងពីរនោះអាចប្រើប្រាស់សម្រាប់ម្ចាស់ផ្តល់ឈាម គឺមិនហួសកំណត់ទេ។ ភ្លាមៗនោះដែរ ខ្ញុំក៏បានឃើញមិត្តព្រះធម៌របស់ប្អូនស្រីខ្ញុំបានអញ្ជើញមកដើម្បីបរិច្ចាកឈាមផងដែរ។

និយាយដល់ចំណុចការផ្តល់ប័ណ្ណបរិច្ចាកឈាម ខ្ញុំពិតជាសូមគោរព និងថ្លែងអំណរគុណយ៉ាងខ្លាំងចំពោះលោក រស់ ប៉ារ៉ាឌី និងប្អូន កែវ ទ្រីយ៉ា ដែលមានចិត្តល្អជួយមិត្តនៅពេលមានអាសន្ន។ ទឹកចិត្តនេះខ្ញុំមិនអាចបំភ្លេចបាននូវសណ្តាន ចិត្តដ៏ល្អបរិសុទ្ធរបស់លោក និងប្អូនៗចេះជួយញាតិពេលមានអាសន្ន។ ជាងនេះទៅទៀត ខ្ញុំក៏សូមគោរពនិងសរសើរ ដល់មិត្តព្រះធម៌របស់ប្អូនស្រីខ្ញុំដែលចំណាយពេលវេលាអញ្ជើញមកបរិច្ឆាកឈាម ដើម្បីសង្រ្គោះជីវិតមនុស្សនៅពេលកំពុងមានគ្រោះអាសន្ន។ 

ខ្ញុំក៏សូមបួងសួង សូមឲ្យអ្នកទាំងអស់ ទទួលបាននូវពុទ្ធពរទាំង៤ប្រការ គឺ អាយុ វណ្ណៈ សុខៈ ពលៈ កុំបីឃ្លាងឃ្លៀតឡើយ។


Tuesday, January 1, 2019

ទស្សនៈ អំពីវិមានឈ្នះៗ

វិមានឈ្នះឈ្នះរបស់សម្តេចតេជោ ហ៊ុន សែននាយករដ្ឋមន្រ្តីនៃ ព្រះរាជាណាកម្ពុជា ត្រូវបានដាក់ សម្ពោធឡើងនៅថ្ងៃសៅរ៍ ទី២៩ ខែ ធ្នូ ឆ្នាំ២០១៨ ក្នុងគោលបំណងរំលឹក
ឡើងវិញនូវការតស៊ូដ៏ស្វិតស្វាញទាំង ផ្នែកយោធា និង​ផ្នែកនយោបាយ​តាមរយៈគោលនយោបាយឈ្នះៗ​ដែលធ្វើអោយមេដឹកនាំខ្មែរក្រហម និងកម្លាំងទ័ពខ្មែរក្រហមទាំងមូល បានសុខចិត្តចុះចូលរួមនឹងរាជ​រដ្ឋាភិបាលនៅខែ ធ្នូ ឆ្នាំ១៩៩៨ បាននាំយកនូវសន្តិសុខទូទាំងប្រទេសជូនប្រជាជនកម្ពុជាសព្វថ្ងៃនេះ។

ទោះបីមានទស្សនៈផ្សេងៗ  មានការរិះគន់ និងវាយប្រហារ ការសម្ពោធ វិមានឈ្នះឈ្នះនេះ​ក៏ ដោយក៏ប៉ុន្តែខ្ញុំអាចចងចាំយ៉ាង ច្បាស់ អំពីដំណើរជីវិតរបស់ ខ្ញុំចាប់ តាំងពីកុមារភាពរហូតដល់​គោល​នយោបានឈ្នះឈ្នះ នេះបានលេច ចេញជារូបរាង និងនាំយកមក នូវសន្តិសុខជូនប្រជាជនកម្ពុជា និងសម្រាប់រូបខ្ញុំបាទផងដែរ។

ប្រជាជនកម្ពុជាបានរងទុក្ខលំបាក ជាច្រើនទស្សវត្សរ៍មកហើយ គឺ​ស្គាល់ តែសង្រ្គាម និងការព្រាត់ប្រាស់ គ្រួសារ។ ប្រជាជននាសម័យនោះបាត់ឱកាសរៀនសូត្រ​ដោយសារតែគេចគ្រាប់ផ្លោង សាលារៀន មន្ទីរពេទ្យ ផ្ទះសម្បែង ត្រូវបានបំផ្លិចបំផ្លាញដោយសារ​សង្រ្គាមស៊ីវិល បង្ហូរតែឈាមខ្មែរគ្នាឯង មិន ខុសអ្វីពីស្ថានភាពដ៏ដុនដាបនៅប្រទេសស៊ីរីនាពេល​បច្ចុប្បន្នឡើយ។

អ្វីដែលយើងទាំងអស់គ្នាត្រូវគិតបន្ត នោះ មិនមែនការហែកហួរគ្នា មិនមែនការផ្តួលរំលំរដ្ឋាភិបាល តែត្រូវចូលរួមរិះរកមធ្យោបាយ ធ្វើយ៉ាងណា ក៏សាងប្រទេសយើង អោយកាន់តែមានភាពរីកចម្រើន ប្រជាជនគួរតែសហការជា មួយរាជ រដ្ឋាភិបាល គាំទ្រនូវគោល នយោបាយកាត់បន្ថយភាពក្រីក្រ ធ្វើយ៉ាងណា​កុំអោយមានគម្លាត រវាងអ្នកក្រ និងអ្នកមានខ្លាំងពេក រួចចាប់ដៃគ្នាទៅប្រកួតប្រជែងជាមួយ​បណ្តាប្រទេសជិតខាងផ្នែកសេដ្ឋកិច្ច។

ទស្សនៈរបស់ខ្ញុំយល់ឃើញថា ប្រសិនបើប្រទេសយើងគ្មានសុខសន្តិភាពទេនោះ យើងពិតជាគ្មាន ឱកាសដើម្បីអភិវឌ្ឍសេដ្ឋកិច្ច​គ្រួសារ និងសេដ្ឋកិច្ចជាតិយើងបានឡើយ។ បច្ចុប្បន្ននេះ ប្រទេស​យើង​បានក្លាយជាប្រទេសមានសិទ្ធស្មើនិងប្រទេសនានាថ្វីបើប្រទេសយើងជាប្រទេសតូច ក៏ប៉ុន្តែយើង មាន​ឯករាជភាពពេញលេញ ឈរត្រង់ ដើរត្រង់ ដូចបណ្តាប្រទេសដ៏ទៃដែរ សូមរក្សាសន្តិភាពនេះ អោយ​បាន​គង់វង្សសម្រាប់កូនចៅយើងជំនាន់ក្រោយបានស្គាល់តែភាពរុងរឿង។

Friday, November 30, 2018

ហាងកាហ្វេ ភូឌី "Poohdy Cafe"





ហាងកាហ្វេ ភូឌី “Poohdy Cafe” មានទីតាំងស្ថិតនៅផ្លូវជាតិលេខ៤  និងផ្លូវអាស៊ានលេខ១១ ខាងជើងផ្លូវជាតិ ព្រលានយន្តហោះកងកេង ឃុំបិតត្រាំង ខេត្តព្រះសីហនុ សូមមើល Google Map ខាងក្រោមនេះ https://goo.gl/maps/APTMJUxtD9k






គុណប្រយោជន៍ដែលគ្រប់គ្នាពុំធ្លាប់ដឹងពីមុន ផ្លែផាសិន



ផាសិន(Passion) គឺជាផ្លែឈើមួយប្រភេទដែលមានសំបកពណ៌ស្វាយ ពណ៌លឿង ពណ៌មាស ហើយគេនិយមយកមកក្រឡុកជាទឹកផ្លែឈើសម្រាប់ទទួលទាន ព្រោះវាមានតម្លៃអាហារូបមត្ថម្ភខ្ពស់ណាស់។ ក្រៅពីមានតម្លៃអាហារូបត្ថម្ភខ្ពស់ ផ្លែផាសិន ត្រូវបានគេរកឃើញថា អាចផ្តល់អត្ថប្រយោជន៍យ៉ាងច្រើនលើសលប់ ដែលគ្រប់គ្នាមិនធ្លាប់ដឹងពីមុនមក។

រក្សាសម្ពាធឈាម
 ការទទួលទានផ្លែផាសិន រាល់ថ្ងៃអ្នកនឹងទទួលបានប៉ូតាស្យូម១ភាគ៤ នៃសារធាតុរ៉ែសំខាន់ៗទាំងអស់។ ក្រៅពីនេះ វាអាចជួយសម្រួលដល់ចរាចរឈាម ពង្រឹងសុខភាពសរសៃឈាមបេះដូង និងកាត់បន្ថយភាពតានតឹងនៅក្នុងបេះដូង។ សារធាតុប៉ូតាស្យូម មានសារ:សំខាន់ខ្លាំងណាស់ក្នុងការរក្សាលំនឹងជាតិទឹកនៅក្នុងខ្លួន។ ដូច្នេះ អ្នកគួរតែទទួលទានផ្លែឈើមួយប្រភេទនេះឲ្យបានទៀងទាត់ ដើម្បីថែរក្សាបេះដូង និងកោសិកាឲ្យមានសុខភាពល្អ។







បង្កើនប្រព័ន្ធភាពស៊ាំ


ផាសិន សម្បូរទៅដោយវីតាមីនA, C និងសារធាតុចិញ្ចឹមសំខាន់ដូចជា បេតាការ៉ូទីន (beta carotene) និងXanthinដែលមានប្រសិទ្ធភាពក្នុងការ ជម្រុញឲ្យប្រព័ន្ធភាពស៊ាំដំណើរការបានល្អ។ ការប្រើប្រាស់ផ្លែឈើនេះទៀងទាត់ អាច ជួយឲ្យរាងកាយធន់នឹងជំងឺគ្រុនផ្តាសាយរួមទាំងការឆ្លងមេរោគផ្សេងៗផងដែរ។

 


រក្សាសុខភាពសរសៃឈាមបេះដូង
 ផ្លែឈើមួយប្រភេទនេះ មានផ្ទុកជាតិខ្លាញ់ទាប ហើយកូឡេស្តេរ៉ុល ស្ទើរតែគ្មានសោះ។ ផ្ទុយទៅវិញ វាមានផ្ទុកជាតិសរសៃច្រើនដែលអាចកាត់បន្ថយកូឡេស្តេរ៉ុលអាក្រក់ក្នុងឈាម flavonoids។ សារធាតុចិញ្ចឹមទាំងនេះ អាចការពារភ្នែកពីការបំផ្លាញរបស់ រ៉ាឌីកាល់ សេរី និងការពារស្រទាប់កែវភ្នែកផងដែរ៕

 


ការពារជំងឺមហារីក

  សារធាតុប្រឆាំងអុកស៊ីតកម្មនៅក្នុងផ្លែផាសិន មានសមត្ថភាពកាត់បន្ថយរ៉ាល់ឌីកាល់ សេរីនៅក្នុងរាងកាយអ្នកជំងឺ មហារីកមានប្រសិទ្ធភាពបំផុត។ ជាពិសេសសារធាតុ Flavonoids,Phenol និងវីតាមីនA របស់វាអាចប្រឆាំងនឹងជំងឺ មហារីកសួត មហារីកមាត់ និងប្រភេទនៃជំងឺមហារីកផ្សេងៗទៀត។


 


ថែរក្សាពោះវៀនឲ្យមានសុខភាពល្អ


ផ្លែផាសិន អាចផ្តល់ជាតិសរសៃខ្ពស់រហូតដល់ទៅ ៩៨ភាគរយ នៅពេលដែល អ្នក ទទួល ទាន រាល់ថ្ងៃ។ ជាតិសរ សសៃ គឺជាផ្នែកមួយដ៏សំខាន់នៃរបបអាហារ ព្រោះវាអាចជួយសម្រួលក្នុងការរំលាយ អាហារ កាត់បន្ថយបញ្ហាទល់ លាមក ប្រឆាំងនឹងជំងឺរលាកពោះវៀន មហារីកពោះវៀនធំ និងរន្ធគូថផង ដែរ។

 


កែលម្អភ្នែកឲ្យមានសុខភាពល្អ

 ផាសិន គឺជាផ្នែកមួយនៃអាហារដែលមានអត្ថប្រយោជន៍ខ្លាំងបំផុតសម្រាប់ សុខភាព ភ្នែក ដោយសារ តែវាមានផ្ទុក សារធាតុប្រឆាំងកម្រិតខ្ពស់ដូចជា វីតាមីន A, C និងបង្កើនកូឡេស្តេរ៉ុលល្អក្នុងឈាមជំនួស វិញ។


 


ប្រភព៖ postnews